Prentmet Oddi hefur fjárfest í og tekið í notkun nýja stafræna límmiðaprentvél frá Epson, SurePress L-4733AW, ásamt frágangsvél frá ítalska framleiðandanum DPR-srl, Aries350, sem stanzar og sker rúllur fyrir límmiða. Vélin getur bæði prentað á hefðbundinn límmiðapappír og filmur. Fyrsta vél þessarar tegundar, frá Epson, kom á markaðinn 2010 og er þetta þriðja kynslóðin sem kom á markað vorið 2023. Límmiðaprentvélin vélin hefur eftirfarandi kosti:

Að vera umhverfisvæn og prentar með vatnsbundnu resin-bleki sem festist á algengustu áprentunarefni fyrir límmiða.

• Blekið hefur góða vatnsvörn.
• Býður upp á nudd- og rispuþolna miða.
• Hefur víðara litasvið en flestar aðrar límmiðaprentvélar.
• Litasviðið er stækkað með appelsínugulu og grænu bleki.
• Þekur allt að 96% af litasviði Pantone litakerfisins.
• Hefur mismunandi svart blek til að ná fram bestu prentgæðum á matt eða glansandi undirlag.
• Há prentgæði á óhúðað efni.
• Er með hvítt blek til að prenta á glæra filmu eða gegnsætt undirlag
• Prentar smáan texta og smáatriði meiri gæðum
• Epson tryggir litastöðugleika til að ná nákvæmara litasamræmi frá einu prentverki til annars.
• Hentar vel fyrir lítil eða stærri upplög í miðaprentun.
• Uppfyllir reglur um prentverk í snertingu við matvæli.

H. Pálsson sér um að þjónusta vélina. Vélin er komin í fulla keyrslu hjá Brynjari og Davíð í stafrænu deildinni í Reykjavík og það streyma inn á hana verkefnin.